#فجع_الويك_إند
كان بقالي فترة نفسي رايحة لشوية buffalo wings ألغوص فيهم، بس الفكرة إن أكلة الوينجز دي مش أكلة، دي تصبيرة أو فاتح شهية قبل أكلة برجر مثلاً، بس أنا كان نفسي فيها لدرجة إني عايز أتغدي وينجز بقي.
قُمت واخد صحابي ورايحين علي #LordOfTheWings فرع سيتي ستارز، وحطوا تحت سيتي ستارز دي ميتين خط..
مبدئياً كده الbuffalo wings دي أصلها عبارة عن أجنحة والdrum stickss (اللي هو النسخة المُصغرة من الدبوس)، بتتحط في دقيق ذرة وتتقلي في الزيت، تطلع بعد كده "تتمرمغ" في صوص الbuffalo، وده بيبقي عبارة عن هوت صوص وعسل وبودرة توم وورشيستر صوص.
في lord of the wings بقي عندهم ١٦ صوص للwingss وكل صوص وليه درجة الشطشطة بتاعته، الbuffalo suicide أكتر واحد حرّاق فيهم، وده محتاج واحد شايل زوره وصدره عشان يعرف ياكله..
وليك إنك تختار هل عايز الوينجز مقلية، مشوية أو boneless (بتبقي صدور فراخ مخلية)..
فا أحسن حاجة إنكم تبقوا عدد وتطلبوا كتير عشان تدوقوا أكتر أنواع ممكنة..
إحنا طلبنا الآتي : buffalo, garlic parmesan, honey bbq, sweet chili, teryaki, bbq hot & spicy..كله original (المقلي)
ال bbq hot &spicyy كان أكتر واحد حراق فيهم، ودرجة الشطشطة فيه منطقية، اللي هي حراقة وفي نفس الوقت مش أذي، يليه في الشطشطة البافلو.
بالنسبالي كلهم كانوا أحلي من بعض، بس لو هرتبهم، يبقي كالتالي:
Buffalo
Garlic parmesan
Teryaki
Bbq hot & spicy
Honey bbq
Sweet chili
إحنا كنا ٣ كل واحد أكل ١٦ قطعة، مع البيبسي ريفيل يرطب علي معركة الأطعمة المختلفة دي وشكراً كده..
المكان عنده أصناف كتير غير الwings زي البرجر والكلام ده، بس دول يتجربوا في طلعة تانية بقي..
#تنويه_أخير: فرع سيتي ستارز أحسن فرع، لأن ناس كتير أوي إشتكت من فرع cairo festival والمعادي..
متوسط الفرد ٨٠ ل١٠٠٠ جنيه..
كتابة وتصوير : محمود العدني
#EgyptianFoodies
خارج الموضوع تحويل الاكوادإخفاء الابتساماتإخفاء