#جوع_نص_اليوم
لما يبقي في حد بيعمل لحمة راس وإسلام سلامة لسه مجربوش، غالباً مش هيجيله نوم إلا أما بروح يدب دبّة عنيفة من عنده.
المرة دي الكلام عن #بيلا في الضاهر (الشرح التفصيلي للمكان في آخر التقييم).
طيب اخر عنقود موسوعة لحمة الراس .. في الملخص الأخير ناس كتير دخلت تقولي لازم تجرب بيلا اللي في الضاهر, طبعا مكدبتش خبر ورحت علي هناك علي طول اولا الأكل نضيف جدا خاصة الكرشة أول مره أشوف مكان بيعمل كرشة بيضا ونضيفة كده .
لحمة الراس ظريفة وطازة الحاجه الوحيدة اللي معجبتنيش قوي كانت المخ عشان كان واخد تسوية زيادة تقريبا.
لكن بصفة عامة لحمة الراس عنده خفيفة وده خلاني أكل كتير ..اللي عالمي عنده الممبار طري جدا حاجه وهمية بصراحة وبيحمرة تحميرة خفيفة كده فبيبقي مقرمش، خفيف ودايب من جوه وعنده كمان شوية شوربة عجب ولما قلتله أنا ماليش في الفشة قالي جرب بس حتة محمرة وفعلا كانت مختلفة وحلوة جدا عشان طازة ويادوب شمت التحمير.
كارثة في المواعيد بقي هو بيشتغل من ١١ ونص حاجه كده مش عارف بيخلص كام بالظبط بس اعتقد علي
٣ – ٤ كده وبيقفل حد واتنين وروحتله يوم سبت لاقيته قافل مره، هو راجل شغال لمزاجه قوي بصراحة.
٣ – ٤ كده وبيقفل حد واتنين وروحتله يوم سبت لاقيته قافل مره، هو راجل شغال لمزاجه قوي بصراحة.
مكانه يعتبر في الضاهر وانت نازل من كوبري غمرة اول يمين هو رابع محل علي يمينك قصاد معرض حلال ايجيبت الناحية التانية جنب شاكر بتاع الجمبري.
Egyptian Foodies
خارج الموضوع تحويل الاكوادإخفاء الابتساماتإخفاء